ಮನಸಿನಾಳದಿಂದ.. ನಿನ್ನವನು

ಒಂದಾದ ಮನಸುಗಳು ಮುರಿಯುವುದೇ ಹೀಗೇ ?

ಸುರಿಯುವ ಮೋಡಗಳು ಕರಗುವ ಹಾಗೆ

ಕೆಲವೊಮ್ಮೆ ಗುಡುಗಿನಿಂದ, ಕೆಲವೊಮ್ಮೆ ನೋವಿನಿಂದ

ಸದ್ದಿಲ್ಲ ಮನಸು ಮುರಿದಾಗ ಒಳಗೊಳಗೇ ಯಾತನೆ

ಕೆಟ್ಟ ಕನಸಿದು ಮುಗಿಯಬಾರದೆ ಎಂದು

ಮನಸಿನೊಳಗೆ ಪ್ರಾರ್ಥನೆ

ಕೆಲವೊಮ್ಮೆ ಸಿಟ್ಟಿನಿಂದ, ಕೆಲವೊಮ್ಮೆ ನೋವಿನಿಂದ

ನಿಜವೊಂದು ಮನಸಲ್ಲೇ ಅಡಗಿ ಕುಳಿತಿದೆ ಗೊತ್ತು

ನನಗಾಗಿ ಯಾರಿಲ್ಲ ಗೆಳತಿ ನಿನ್ನನ್ನು ಹೊರತು

ಕೆಲವೊಮ್ಮೆ ಕನಸಲ್ಲಿ, ಕೆಲವೊಮ್ಮೆ ನನಸಲ್ಲಿ

ನನ್ನ ಹಂಗು ನಿನಗಿಲ್ಲ ನಾ ಬಲ್ಲೆ

ಆದರೆ ನಿನ್ನ ಬಿಟ್ಟು ನಾನಿಲ್ಲ ನಲ್ಲೆ

ಕೇಳುವೆನು ಕ್ಷಮಿಸು

ಕೆಲವೊಮ್ಮೆ ಅಧಿಕಾರದಿಂದ, ಕೆಲವೊಮ್ಮೆ ಸಂಕೋಚದಿಂದ