ಕನಸು ಕಾಣುವ ಮೊದಲೇ..

 

17-Apr

ಕನಸು ಕಾಣುವ ಮೊದಲೇ

ನಿಂತಿದ್ದೆ ನೀ ಎದುರಲೇ

ಜೀವದ ಜೀವ ನೀನು

ಉಸಿರಿನ ಉಸಿರು ನೀನು

ನೀನಾದೆ ದಾರಿದೀಪ

ವಾತ್ಸಲ್ಯದ ಮೂರ್ತರೂಪ

ಬಾಳಿಗೆ ಬೆಳಕಾಗಿ ನೀ ಬಂದೆ

ಹಣೆಯ ಸಿಂಧೂರ ನೀ ತಂದೆ

ಕಣ್ತುಂಬಿ ನಿನ್ನ ರೂಪು

ನನ್ನೊಲವೇ ನಿನಗೆ ಮುಡಿಪು

ನಿನಗಾಗಿ ತರುವೆ ಎಲ್ಲ ಸುಖ

ನೀನಾದೆ ನನ್ನ ಪ್ರಾಣ ಸಖ

ನನ್ನೆದೆಯ ಗರ್ಭಗುಡಿಯಲಿ

ನೆಲೆಸಿರುವೆ ನೀ ಚಂದದಲಿ

ನಾನೆಂದೂ ನಿನ್ನವಳು

ನೀನೆಂದೂ ನನ್ನವನು

ಚಿತೆಯಿರಲಿ ಚಿಂತೆಯಿರಲಿ

ನಾನಿರುವೆ ಜೊತೆಯಲಿ

ಹೀಗೇ ಸಾಗಲಿ ಬಾಳ ನೌಕೆ

ಸೇರಲಿ ಶರಧಿಯ ದೂರ ತೀರಕೆ