ಹೇಳಿ ಹೋಗು ಕಾರಣ....

ಹೇಳ ಹೆಸರಿಲ್ಲದ ಹಲವು
ಕಾರಣಗಳು ಮನ ನೋಯಲು
ಆಪ್ತವಾಗಿರಲಿ ಈ ಹಂಗು ಸಾಕು
ಕಾದಿದೆ ಆ ಒಂದು ಕ್ಷಣ ನೀ
ತೆರೆವ ಬಾಗಿಲಿಗೆ,ಕರೆವ ದನಿಗೆ
ಪುಟ ತೆರೆದಿದೆ ಇನ್ನೂ ಅಲ್ಲೆ
ನೀನಿಲ್ಲದ ಖಾಲಿತನ ಹಿಂಡುತ್ತಿದೆ
ಎದೆ ಹೊತ್ತಿ ಉರಿಯುತ್ತಿದೆ
ಉಸಿರು ಬತ್ತಿ ಸಾಯುತ್ತಿದೆ
ದಿಕ್ಕು ಬದಲಾದರೇನಂತೆ
ಹಾದಿ ಬಯಲಾದರೇನಂತೆ
ಒಮ್ಮೆ ಹೇಳಿ ಹೋಗು ಕಾರಣ
ಮರೆವೆನೆಂದು ಕುಳಿತರೆ
ನಿನ್ನ ನೆನಪುಗಳ
ಮೆರವಣಿಗೆಗಳ ಸಾಲು ಸಾಲು
ಮರಳಿ ಬರಲಾರದ ಹೃದಯವ
ನೆನೆದು ಮನದ
ಮುಗಿಲೊಳಗೀಗ ಮಳೆಯಿಲ್ಲ..!!