ನೀನಂದು ಬಿಟ್ಟು ಹೋದ ನನ್ನ ಕೈಗಳಲ್ಲಿನ್ನೂ
ನಿನ್ನ ಬಿಸುಪು, ಸ್ಣಿಗ್ಧತೆ, ಮಾರ್ಧವತೆ ಮತ್ತು
ಒಂದಿಸ್ತು ತಂಪು ಇನ್ನೂ ಹಾಗೇ
ಉಳಿದಿದೆ...
ನೀನಂದು ಬಿಟ್ಟು ಹೋದ ಹಾದಿಯಲ್ಲಿನ್ನೂ
ಕೆಂಡ ಸಂಪಿಗೆ ಕಂಪು, ಸೂರ್ಯಾಸ್ತದ ಕೆಂಪು
ಹೂ ಮಾರುವ ಮುದುಕಿಯ ಬೊಚ್ಚು ಬಾಯ
ಇಷ್ತಗಲದ ನಗೆ ಇನ್ನೂ ಹಾಗೇ ಉಳಿದಿದೆ...
ನೀನಂದು ಬಿಟ್ಟು ಹೋದ ಬೀದಿ ತಿರುವಿನ
ಮಿನಾರಿನ ಗುಂಬಜಿನಲ್ಲಿ ನಿನ್ನ ಖಿಲ್ಲನೆ ನಗೆ
ಅಜಾನಿನಂತೆ ರಿಂಗನಿಸುತ್ತಾ
ಇನ್ನೂ ಹಾಗೇ ಉಳಿದಿದೆ...
ನೀನಂದು ಬಿಟ್ಟು ಹೋದ ನಿನ್ನ ನೆನಪುಗಳಿನ್ನೂ
ದೊಡ್ಡ ದನಿಯಲ್ಲಿ ರಣಕೇಕೆ ಹಾಕುತ್ತಾ ನನ್ನೆದೆಯಲ್ಲಿ
ಇಣುಕಿ ನೋಡಬಲ್ಲಸ್ತು ದೊಗರು ಮಾಡುತ್ತಾ
ಇನ್ನೂ ಹಾಗೇ ಉಳಿದಿದೆ...
ನಾನಲ್ಲೇ ಉಳಿದಿದ್ದೇನೆ; ಸಂತೆಯಲ್ಲಿ ಅಮ್ಮನ
ಕೈ ಬೆರಳು ತಪ್ಪಿದ ಕಂಗಾಲು ಮಗುವಿನಂತೆ
ಕಣ್ಣಿಗಡರಿದ ಧೂಳು ಒರೆಸಲೂ ಮರೆತಂತೆ
ಹಸಿದ ಬೆವಾರಿಸು ಜೀವ ಹಿಡಿ ಅನ್ನಕ್ಕೆ ಕಾದಂತೆ
ಮತ್ತು ಇನ್ನೂ ಹಾಗೇ.....
4 comments:
ಪ್ರಿಯರೇ,
ನಮಸ್ಕಾರ. ಹೇಗಿದ್ದೀರಿ?
ನಾವೆಲ್ಲ ಎಷ್ಟೋ ಕಾಲದಿಂದ ಅಂತರ್ಜಾಲದಲ್ಲಿ ಬರೀತಿದೀವಿ, ಓದ್ತಿದೀವಿ, ಪ್ರತಿಕ್ರಿಯಿಸಿಕೊಳ್ತಿದೀವಿ, ಮೇಲ್-ಸ್ಕ್ರಾಪ್-ಚಾಟ್ ಮಾಡ್ಕೊಳ್ತಿದೀವಿ.. ಆದ್ರೆ ನಮ್ಮಲ್ಲಿ ಬಹಳಷ್ಟು ಜನ ಪರಸ್ಪರ ಪರಿಚಯ ಮಾಡಿಕೊಂಡಿಲ್ಲ, ಮುಖತಃ ಭೇಟಿ ಆಗಿಲ್ಲ. ಇರಾದೆ ಇದ್ರೂ ಅದು ಸಾಧ್ಯ ಆಗಿಲ್ಲ!
ಇಂತಿದ್ದಾಗ, ನವ ಪ್ರಕಾಶನ ಸಂಸ್ಥೆ 'ಪ್ರಣತಿ', ಅಂತರ್ಜಾಲದಲ್ಲಿ ಕನ್ನಡ ಬಳಸುವ ಮತ್ತು ಓದುವ ಎಲ್ಲರನ್ನು ಒಂದೆಡೆ ಸೇರಿಸುವ ಈ ಕಾರ್ಯಕ್ಕೆ ಮುಂದಾಗಿದೆ. ನಾಡಿದ್ದು ಭಾನುವಾರ ನಾವೆಲ್ಲ ಪರಸ್ಪರ ಭೇಟಿಯಾಗುವ ಅವಕಾಶ ಒದಗಿ ಬಂದಿದೆ.
ಡೇಟು: ೧೬ ಮಾರ್ಚ್ ೨೦೦೮
ಟೈಮು: ಇಳಿಸಂಜೆ ನಾಲ್ಕು
ಪ್ಲೇಸು: ಇಂಡಿಯನ್ ಇನ್‍ಸ್ಟಿಟ್ಯೂಟ್ ಆಫ್ ವರ್ಲ್ಡ್ ಕಲ್ಚರ್‌, ಬಸವನಗುಡಿ, ಬೆಂಗಳೂರು
ಆವತ್ತು ನಮ್ಮೊಂದಿಗೆ, ಕನ್ನಡದ ಮೊದಲ ಅಂತರ್ಜಾಲ ತಾಣದ ರೂವಾರಿ ಡಾ| ಯು.ಬಿ. ಪವನಜ, 'ದಟ್ಸ್ ಕನ್ನಡ'ದ ಸಂಪಾದಕ ಎಸ್.ಕೆ. ಶ್ಯಾಮಸುಂದರ್, 'ಸಂಪದ'ದ ಹರಿಪ್ರಸಾದ್ ನಾಡಿಗ್, 'ಕೆಂಡಸಂಪಿಗೆ'ಯ ಅಬ್ದುಲ್ ರಶೀದ್ ಸಹ ಇರ್ತಾರೆ, ಮಾತಾಡ್ತಾರೆ.
ಎಲ್ಲರೊಂದಿಗೆ ಒಂದು ಸಂಜೆ ಕಳೆಯುವ ಖುಶಿಗೆ ನೀವೂ ಪಾಲುದಾರರಾಗಿ ಅಂತ, 'ಪ್ರಣತಿ'ಯ ಪರವಾಗಿ ಪ್ರೀತಿಯಿಂದ ಆಹ್ವಾನಿಸುತ್ತಿದ್ದೇನೆ. ಈ ಕಾರ್ಯಕ್ರಮದ ಬಗ್ಗೆ ನಿಮ್ಮ ಸ್ನೇಹಿತರಿಗೂ ತಿಳಿಸಿ. ಅವರನ್ನೂ ಕರೆದುಕೊಂಡು ಬನ್ನಿ.
ಅಲ್ಲಿ ಸಿಗೋಣ,
ಇಂತಿ,
ಸುಶ್ರುತ ದೊಡ್ಡೇರಿ
ನಮಸ್ಕಾರ..
ಸೊಗಸಾದ ಕವಿತೆ.ಸಾತ್ವಿಕ ಮನಸ್ಸೊಂದರ ನವಿರಾದ ಆರ್ದ್ರತೆ,ಬಿಸುಪು,ಬೆಚ್ಚನೆ,ಭಾವನೆಗಳನೆಲ್ಲಾ ಸೂಕ್ಷ್ಮವಾಗಿ ತೆರೆದಿಟ್ಟಂತಿದೆ. ಚೆನ್ನಾಗಿ ಬರೆದಿದ್ದೀರಾ, ಹೀಗೆಯೇ ಬರೆಯುತ್ತಲಿರಿ..
ಧನ್ಯವಾದಗಳು.
ಜೋಮನ್.
kavana chennaagide... nimmade anubhavagalannu bichchitta haagide. heege bareyuththiri...
Thank you friends..!!
Post a Comment